Rússnenskt geimfar hrapar stjórnlaust til jarðar

Geimfar Rússa hrapar nú stjórnlaust til jarðar eftir að hafa bilað á leið sinni með birgðir til alþjóðlegu geimstöðvarinnar (ISS). Sjö metra geimfarið snýst nú hrakandi á sporbraut um jörðu og á það að hrynja niður til jarðar eftir um viku.

Útsýni frá alþjóðlegu geimstöðinni.
Útsýni frá alþjóðlegu geimstöðinni.

Geimfarið Progress 59 átti að ferja tvö og hálft tonn af mat, vatni, eldsneyti og öðrum birgðum til vísindamanna í alþjóðlegu geimstöðinni sem vinna þar að allskyns rannsóknum í eðlisfræði, líffræði, efnafræði, læknisfræði, sálfræði og fleira. Eitthvað hefur farið úrskeiðis þegar geimfarið tók að snúast stjórnlaust rétt eftir að hafa náð upp á sporbraut um jörðu og ná höfuðstöðvar Rússa ekki sambandi við geimfarið.

Geimfarið er nú í rúmlega 250 km hæð og ferðast það um 26 þúsund km á klukkustund. Rússar halda áfram að reyna að ná sambandi við geimfarið, á þeim 90 mínútum sem geimfarið flýgur yfir þá í hvert skipti, og koma því á sporbraut en ef það næst ekki á næstu dögum vilja þeir reyna að stýra farinu niður í átt að Kyrrahafi frekar en að landi af augljósum ástæðum. Geimfararnir í alþjóðlegu geimstöðinni eiga sem betur fer nóg af birgðum til að komast af þar til næsta sending kemur.

Sjáðu geimfarið taka á loft.

Sjáðu myndefni frá geimfarinu meðan það snýst.