Nágrannastjarna okkar TRAPPIST-1 hefur sjö plánetur sem gætu haft fljótandi vatn á yfirborði sínu og mögulega geymt líf.
Á blaðamannafundi í dag tilkynnti hópur stjarnfræðinga frá uppgötvun á nýju sólkerfi sem er í 40 ljósára fjarlægð frá Jörðinni og er því nágranni okkar í alheiminum. Þessu greinir Stjörnufræðivefurinn betur frá fyrr í dag.1
Stjarnan í sólkerfinu hefur fengið nafnið TRAPPIST-1 og er rauð dvergstjarna sem er um 2600°C heit á yfirborðinu en hún er aðeins um 8% af massa sólar eða aðeins stærri en Júpíter, stærsta reikistjarnan í okkar sólkerfi.
Allar sjö reikistjörnurnar í sólkerfinu eru á stærð við jörðina og gætu mögulega haft fljótandi vatn á yfirborðinu en aðeins þrjár þeirra, TRAPPIST-1a, f og g eru mest spennandi og líklegar til að hafa vatn vegna þess að þær eru í lífbelti stjörnunnar sem þýðir að þær eru í hæfilegri fjarlægð frá stjörnunni sinni miðað við orkuna sem þær fá frá henni.
Vegna hæfilegrar fjarlægðar sólkerfisins frá okkur má búast við ítarlegri rannsóknum á þessu sólkerfi í komandi framtíð og megum við bíða spennt eftir niðurstöðum þeirra.
Nasa gaf út glæsilegan poster ásamt myndum sem sýna samanburð á stærðum og fjarlægðum en höfundur myndanna er Amanda Smith.
Heimildir
